آل پاکستان پرائیویٹ سکولز فیڈریشن نے جمعہ سے ملک گیر پرامن احتجاجی مظاہروں کی کال دے دی

آل پاکستان پرائیویٹ سکولز فیڈریشن نے جمعہ سے ملک گیر پرامن احتجاجی مظاہروں کی کال دے دی
15 جولائی تک تعلیمی اداروں کو بند کرنے کے حکومتی فیصلہ کو مسترد کرتے ہوے تعلیم دشمن قرار دے دیا گیا۔
جاری لاک ڈاون باعث5کروڑطلباکے تعلیمی نقصان کاازالہ ناممکن ہے نجی سکولز، پیف وپیماسکولزکا معاشی قتل کیا جارہا ہے، کاشف مرزا

لاہور، آل پاکستان پرائیویٹ سکولز فیڈریشن نے مشاورت کے بعدمورخہ 29مئی2020بروز جمعہ ملک گیر پرامن احتجاجی مظاہروں کی کال دے دی۔تمام پرائیویٹ سکولزتنظیموں سے بھرپور شرکت کی اپیل! تفصیلات کے مطابق کاشف مرزاصدرآل پاکستان پرائیویٹ سکولز فیڈریشن کی کال پربروز جمعہ ملک بھر میں پرائیویٹ سکولزتنظیمیں“تعلیم سب کے لیے” اورتعلیمی حقوق کی خاطر پریس کانفرنسزاورپرامن احتجاجی مظاہرے کریںگے۔ چیف جسٹس پاکستان،آرمی چیف،وزیر اعظم، وزرااعلی، گورنرز سے اپیل کی گئی ہے کہ یکم جون سے SOPsکے تحت دیگر شعبہ جات کی طرح سکولز بھی کھولے جائیں۔15 جولائی تک تعلیمی اداروں کو بند کرنے کے حکومتی فیصلہ کو مسترد کرتے ہوے تعلیم دشمن قراردیا گیاہے۔جاری لاک ڈاون باعث5کروڑطلباکے تعلیمی نقصان کاازالہ ناممکن ہے نجی سکولز، پیف وپیماسکولزکا معاشی قتل کیا جارہا ہے ۔بھوک وفاقہ کشی سے خودکشی کرنے والے ٹیچر کی موت کے ذمے داروزراتعلیم ہیں۔15جولائی تک تعلیمی اداروں کی بندش سے 50%تعلیمی ادارے مکمل بنداور10لاکھ لوگ بےروزگارہوجائینگے۔ کاشف مرزا نے کہا کہ ٹیچرز کی تنخواہیں فکس اورملک بھر میں 90 فیصد اسکول عمارتیں کرائے پر ہیں۔ کاشفر مرزا نے اپیل کرتے ہوئے وزیر اعظم پاکستان سے کہا ہے کہ اساتذہ کیلیے”تعلیمی ریلیف پیکیج “ کااعلان کیا جائے، انہوں نے کہا ہے کہ سکولز کی ٹائمنگ صبح 7 تا10اور2شفٹ میں سماجی فاصلے کو برقرار رکھ کے کلاسز جاری رکھی جا سکتی ہیں۔چین کے صوبے ووہان،فرانس، سوئٹزرلینڈ ،آسٹریلیا،آسٹریا،جرمنی،انڈیا،ایران،بنگلہ دیش، سپین سمیت کئی ممالک میں تعلیمی ادارے کھل چکے ہیں۔بورڈ امتحانات منسوخ کرنے اور طلبا کا مستقبل برباد کرنےکی بجائے بورڈ امتحانات سماجی فاصلے کو برقرار رکھ کر تمام اضافی سرکاری و پرائیویٹ اساتذہ کی ڈیوٹیاں لگا کرسرکاری و پرائیویٹ سکولز وکالجزکو امتحانی سنٹرز بناکر منعقد کیے جائیں۔ بورڈ امتحانات منسوخ کرنےکی صورت میں،بورڈز فیس کی مد میں 45لاکھ طلباسے وصول شدہ25ارب روپے واپس کریں۔حکومت غیرآئینی اقدامات بند کرے۔فیسوں کے حوالے سے حکومت سندھ اورپنجاب کا فیس میں 20فی صد کمی کا نوٹیفیکیشن وآرڈیننس آئین کے آرٹیکل 18,8،5,4,3, 25(1)،37اور38 سے متصادم، امتیازی وغیر قانونی ہے۔سپریم کورٹ فیصلے کے پابند ہیں، کاشف مرزا نے چیف جسٹس پاکستان،آرمی چیف اور وزیراعظم سے داد رسی کی اپیل کرتے ہوئے کہا ہے کہ نجی تعلیمی اداروں کو معاشی قتل سے بچایا جاے ۔ انہوں نے انسانیت کے جذبہ اور کورنٹائیں سے نبٹنے کے لیے ملک بھرکے مستحق طلبا کی فیس ادائیگی کے لیے کرونا ایجوکیشنل ریلیف فنڈقائم کر دیاہے،وزیر اعظم پاکستان اور صوبائی وزراءاعلی کوملک بھر کے2لاکھ پرائیویٹ سکولزآئسولیشن سینٹرز اور قرنطینہ سنٹرز بنانیں اور 15 لاکھ ٹیچرز بطوروالیئنٹیرز پیشکش بھی کر دی گئی۔